ന്യൂഡല്‍ഹി: രാജ്യത്ത് 11.44 ലക്ഷം പാന്‍ കാര്‍ഡുകള്‍ റദ്ദാക്കുകയോ പ്രവര്‍ത്തന രഹിതമാക്കുകയോ ചെയ്തതായി കേന്ദ്ര ധനകാര്യ സഹമന്ത്രി സന്തോഷ് കുമാര്‍ ഗാങ്്‌വാര്‍. ഇന്നലെ രാജ്യസഭയിലാണ് മന്ത്രി ഇക്കാര്യം അറിയിച്ചത്.
ഈ വര്‍ഷം ജൂലൈ 27ഓടെ 11,44, 221 പാന്‍ കാര്‍ഡുകള്‍ നിലവിലെ നിയമ വ്യവസ്ഥകള്‍ക്ക് അനുസൃതമായിട്ടുള്ളതല്ലെന്നും ഇതിനുപുറമെ 1,566 പാന്‍കാര്‍ഡുകള്‍ വ്യാജമാണെന്നും കണ്ടെത്തിയിട്ടുണ്ട്. വ്യക്തികള്‍ ഒന്നിലധികം കാര്‍ഡുകള്‍ കൈവശം വച്ചതായി കണ്ടതോടെയാണ് ഇവയെല്ലാം റദ്ദാക്കുകയോ പ്രവര്‍ത്തന രഹിതമാക്കുകയോ ചെയ്തതെന്ന് മന്ത്രി അറിയിച്ചു.