ന്യൂഡല്‍ഹി: പൊതുപ്രവര്‍ത്തകര്‍ ഉള്‍പ്പെടുന്ന അഴിമതി കേസുകള്‍ അന്വേഷിക്കുന്നതിന് സര്‍ക്കാരിന്റെ മുന്‍കൂര്‍ അനുമതി വേണമെന്ന ഭേദഗതിക്ക് എതിരെ വി.എസ് അച്യുതാനന്ദന്‍ സുപ്രിം കോടതിയെ സമീപിച്ചു. അഴിമതി നിരോധന നിയമത്തിലെ ഭേദഗതി ചെയ്ത 17 എ വകുപ്പിനെതിരെയാണ് വി.എസ് സുപ്രിം കോടതിയെ സമീപിച്ചത്.

പ്രശാന്ത് ഭൂഷണിന്റെ സന്നദ്ധ സംഘടന ആയ സി.പി.ഐ.എല്‍ നല്‍കിയ ഹരജിയില്‍ കക്ഷി ചേര്‍ന്നു കൊണ്ടാണ് വി.എസിന്റെ ഹരജി.

ബാര്‍ കോഴക്കേസില്‍ തുടരന്വേഷണം നടത്തുന്നിന് സര്‍ക്കാരില്‍നിന്ന് മുന്‍കൂര്‍ അനുമതി തേടണമെന്ന വിജിലന്‍സ് കോടതിയുടെ വിധിയുടെ പശ്ചാത്തലത്തില്‍ ആണ് വി.എസ്സിന്റെ നീക്കമെന്നാണ് സൂചന.