കഠിനംകുളം: തിരുവനന്തപുരം ആര്‍.സി.സിയില്‍ നിന്നും മൃതദേഹവുമായി പാലക്കാട്ടേക്ക് പോവുകയായിരുന്ന ആംബുലന്‍സ് കഴക്കൂട്ടം പൊലിസ് സ്റ്റേഷനു സമീപം ലോറിയിലിടിച്ച് വാഹനത്തില്‍ ഉണ്ടായിരുന്നവര്‍ക്കു നിസാര പരിക്കേറ്റു.
ഇന്നലെ രാവിലെ 11നായിരുന്നു അപകടം. മുന്‍പേ പോയ ലോറി പെട്ടന്ന് ബ്രേക്ക് ചവിട്ടിയതിനാല്‍ ആംബുലന്‍സ് പുറകെ ഇടിക്കുകയായിരുന്നു.
ഇടിയുടെ ആഘാതത്തില്‍ ആംബുലന്‍സിന്റെ മുന്‍ഭാഗവും വലതുവശവും  തകര്‍ന്നു. തിരുവനന്തപുരത്തു നിന്നും മറ്റൊരു ആംബുലസ് എത്തി മൃതദേഹം പാലക്കാട്ടേക്ക് കൊണ്ടുപോയി.