കരുനാഗപ്പള്ളി: ദേശീയ പാത പുത്തന്‍ തെരുവില്‍ ഗ്യാസ് സിലിണ്ടറുകള്‍  കയറ്റിവന്ന ലോറി പെട്ടിഓട്ടോയില്‍ തട്ടി . ഓട്ടോ തലകീഴായ് മറിഞ്ഞു ഡ്രൈവര്‍ക്ക് പരുക്കേറ്റു.
കുലശേഖരപുരം കടത്തൂര്‍ പുതുശ്ശേരില്‍ മുജീബ്(42) ആണ് പരുക്കേറ്റത്. ഇയാളെ  കരുനാഗപ്പള്ളി താലൂക്കാശുപത്രിയില്‍ പ്രവേശിപ്പിച്ചു. ഇന്നലെ ഉച്ചയ്ക്ക് 2.30 ന് പുത്തന്‍തെരുവ് ഇ.എസ്.ഐയ്ക്ക് സമീപത്തായിരുന്നു അപകടം. നീണ്ടകരയില്‍ മത്സ്യമെടുക്കാന്‍ പോയ ഓട്ടോയില്‍  ആലപ്പുഴ ഭാഗത്ത് നിന്നും കൊല്ലം ഭാഗത്തേക്ക്  ഗ്യാസ് സിലിണ്ടറും കയറ്റി വന്ന ലോറിഓട്ടോയേ ഇടിച്ച് തെറിപ്പിക്കുകയായിരുന്നു.  ലോറിനിര്‍ത്താതെ  പോയി.
ഓടിക്കൂടിയവരാണ് ഓട്ടോ ഡ്രൈവറെ ആശുപത്രിയിലാക്കിയത്. മീന്‍ എടുക്കാന്‍ കൊണ്ടുവന്ന 7500 രൂപ ഓട്ടോയില്‍ നിന്നും മോഷണം
പോയതായും പരാതിയുണ്ട്. ഇത് സംബന്ധിച്ച് മുജീബ് കരുനാഗപ്പള്ളി പൊലിസില്‍ പരാതി നല്‍കി.