അടിമാലി: ദേശീയപാതയിലുണ്ടായ രണ്ട് വാഹനാപകടങ്ങളില്‍ ആറുപേര്‍ക്ക് പരുക്കേറ്റു. കൊച്ചി-ധനുഷ്‌കോടി ദേശീയ പാതയില്‍ വാളറ അഞ്ചാംമൈലില്‍ കാര്‍ മറിഞ്ഞും റാണിക്കല്ല് വളവിന് സമീപം ടൂറിസ്റ്റ് ബസും കാറും കൂട്ടിയിടിച്ചാണ് അപകടങ്ങള്‍ ഉണ്ടായത്. പറവൂര്‍ സ്വദേശികളായ പട്ടശ്ശേരില്‍ ഗോഗുല്‍(18),വാഴപ്പറബില്‍ ഹാരിസ് (19),മട്ടാപ്പ്‌ശേരിയില്‍ എബിന്‍(18), മാളിയേക്കല്‍ എബിന്‍(19) ,തിരുവനന്തപുരം  സ്വദേശികളായ ഷിബു തോമസ്(48), വര്‍ഗ്ഗീസ് (55) എന്നിവര്‍ക്കാണ് പരുക്കേറ്റത്.