മാന്നാര്‍: മാലിന്യക്കൂമ്പാരമായി നീരൊഴുക്ക് ഇല്ലാതായി കിടക്കുന്ന പമ്പാനദിയെ കൈവഴിയെ സംരക്ഷിക്കണമെന്നാവശ്യപ്പെട്ട് കെ.എല്‍.സി.എ ഭാരവാഹികളും വൈദികരും നദി സന്ദര്‍ശിച്ചു. നദിയുടെ ശോച്യാവസ്ഥ അടിയന്തരമായി പരിഹരിക്കണമെന്ന് കെ.എല്‍.സി.എ ഭാരവാഹികള്‍ സര്‍ക്കാരിനോട് ആവശ്യപ്പെട്ടു. ഈ ആവശ്യം ഉന്നയിച്ച് ജലസേചന വകുപ്പ് മന്ത്രിക്ക് ഭീമ ഹര്‍ജി നല്‍കും. ഫാ.നിഗേഷ് ഗോമസിന്റെ നേതൃത്വത്തില്‍ കെ.എല്‍.സി കൊല്ലം രൂപതാ ഭാരവാഹികളായ സജീവ് പരിശുവിള, അനില്‍ ജോര്‍ജ്, ഫെറോനാ ഭാരവാഹികളായ ആന്റണി ഡേവിഡ്, ജോസഫ്കുട്ടി കടവില്‍, ഡൊമനിക് ജോസഫ്, ജെസ്സി കശ്മീര്‍, ലില്ലി അലക്‌സ്, വര്‍ഗീസ് ജോണ്‍ എന്നിവരടങ്ങുന്ന സംഘമാണ് നദീ സന്ദര്‍ശനം നടത്തിയത്.