തുറവൂര്‍: വയലാര്‍ മുക്കണ്ണന്‍ കവലയ്ക്ക് സമീപം കൈതളായി റോഡ് അരികിലുള്ള പാടം കേന്ദ്രീകരിച്ച് സാമൂഹ്യ വിരുദ്ധരുടെ ശല്യങ്ങള്‍ വര്‍ധിക്കുന്നതായി പരാതി.
പകല്‍ സമയങ്ങളില്‍ പോലും പരസ്യമദ്യപാനവും മയക്ക് മരുന്നു ഉപയോഗവുമാണ് നടക്കുന്നത്.  ഇതുവഴി നിരവധി സ്ത്രീകളും കുട്ടികളും കടന്നു പോകുന്നതാണ്.
ഇതിനെ ചോദ്യം ചെയ്യുകയും പൊലിസില്‍ പരാതിപ്പെടുകയും ചെയ്ത കുടുംബശ്രീ പ്രവര്‍ത്തകരെ ആക്ഷേപിക്കുകയും അവരുടെ വീടുകള്‍ക്ക് നേരെ കല്ലേറുകകള്‍ നടന്നതായും ജീവന്‍ ഭയന്ന് പലരും പൊലിസില്‍ പരാതിപ്പെടാന്‍ മടിക്കുകയാണെന്നു നാട്ടുകാര്‍ പറഞ്ഞു.
ജനകീയാവശ്യം പരിഗണിച്ച് ഇനിയെങ്കിലും സാമൂഹ്യ വിരുദ്ധരെ പിടികൂടി മാതൃകാപരമായി ശിക്ഷിക്കുന്നതിന് ബന്ധപ്പെട്ട അധികൃതര്‍ തയാറാകണമെന്ന് നാട്ടുകാര്‍ ആവശ്യപ്പെട്ടു.