കൊപ്പം: ആമയൂര്‍ മസ്ജിദുറഹ്മാനില്‍ സയ്യിദ് അബ്ദുറഹ്മാന്‍ ജിഫ്‌രി തങ്ങളുടെ നേതൃത്വത്തില്‍ നടന്നുവരുന്ന മര്‍കസുല്‍ ഉലമാ ദര്‍സിന്റെ പൂര്‍വവിദ്യാര്‍ഥി സംഗമവും മൗലിദ് ജല്‍സയും ദര്‍സ് വിദ്യാര്‍ഥികളുടെ കലാവിരുന്നും ഡിസംബര്‍ 21ന് വെള്ളിയാഴ്ച വൈകിട്ട് 6.30ന് ആമയൂര്‍ മര്‍ഹും മുഹമ്മദ് അമീന്‍ മുസ്‌ലിയാര്‍ നഗറില്‍ നടക്കും. ശാഹുല്‍ ഹമീദ് അന്‍വരി മലയില്‍ മൗലിദ് ജല്‍സയ്ക്ക് നേതൃത്വം നല്‍കും. തുടര്‍ന്ന് ദര്‍സ് വിദ്യാര്‍ഥികളുടെ കലാപരിപാടികള്‍ നടക്കും. പൂര്‍വവിദ്യാര്‍ഥി സംഗമം സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറാംഗം സയ്യിദ് കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്യും. സയ്യിദ് അബ്ദുല്‍ ഹക്കീം തങ്ങള്‍ പുത്തംകുളം അധ്യക്ഷനാകും.
ബിരുദ വിദ്യാര്‍ഥികള്‍ക്കുള്ള ആമയൂര്‍ മസ്ജിദുറഹ്മാന്‍ മഹല്ല് കമ്മിറ്റിയുടെ ഉപഹാര സമര്‍പ്പണം ചടങ്ങില്‍ നടക്കും. സമാപന പ്രാര്‍ഥനക്ക് സയ്യിദ് അബ്ദുറഹ്മാന്‍ ജിഫ്‌രി തങ്ങള്‍ നേതൃത്വം നല്‍കും. കുഞ്ഞുമുഹമ്മദ് അശ്‌റഫി ചെര്‍പ്പുളശ്ശേരി, അബ്ദുല്‍ ഖാദിര്‍ ഫൈസി തത്തേങ്ങലം, നൗശാദ് അന്‍വരി തോട്ടര, അബ്ദുറശീദ് ഫൈസി നാട്ടുല്‍, അഡ്വ. ശമീം അന്‍വരി ആലത്തൂര്‍, മന്‍സൂര്‍ മുസ്‌ലിയാര്‍ വിളയൂര്‍ സംസാരിക്കും.