കല്‍പ്പറ്റ: വിവിധ പരീക്ഷകളില്‍ വിജയിക്കുന്ന വിദ്യാര്‍ഥികള്‍ക്ക് ജില്ലയില്‍തന്നെ തുടര്‍പഠന സൗകര്യം ഉറപ്പാക്കണമെന്ന് മുസ്‌ലിം സര്‍വിസ് സൊസൈറ്റി(എം.എസ്.എസ്) പിണങ്ങോട് യൂനിറ്റ് ജനറല്‍ ബോഡി യോഗം ആവശ്യപ്പെട്ടു. 

ഹയര്‍ സെക്കന്‍ഡറി, വൊക്കേഷനല്‍ ഹയര്‍സെക്കന്‍ഡറി, ഐ.ടി.ഐ, പോളിടെക്‌നിക് എന്നിവിടങ്ങളില്‍ അധിക കോഴ്‌സുകളും ബാച്ചുകളും അനുവദിക്കണം. ഉന്നത വിദ്യാഭ്യാസ സ്ഥാപനങ്ങളും തൊഴിലധിഷ്ഠിത വിദ്യാഭ്യാസ സ്ഥാപനങ്ങളും ജില്ലക്ക് പ്രത്യേകമായി വേണം. നിരവധി വിദ്യാര്‍ഥികള്‍ ഇഷ്ടപ്പെട്ട കോഴ്‌സുകളും സൗകര്യവും ഇല്ലാത്തിന്റെ പേരില്‍ തുടര്‍പഠനം ഉപേക്ഷിക്കുന്നു.
വിദ്യാഭ്യാസ പിന്നാക്കാവസ്ഥയും തുടര്‍പഠന സൗകര്യമില്ലായ്മയും പരിഗണിച്ച് ജില്ലക്ക് മുന്‍ഗണന നല്‍കണമെന്നും യോഗം ആവശ്യപ്പെട്ടു. എം.എസ്.എസ് മുന്‍ ജില്ലാ സെക്രട്ടറി പി.പി മുഹമ്മദ് വാര്‍ഷിക ജനറല്‍ ബോഡി ഉദ്ഘാടനം ചെയ്തു.
പിണങ്ങോട് നിന്നും മെഡിക്കല്‍ എന്‍ട്രന്‍സ് പരീക്ഷാ റാങ്ക് ജേതാവ് ഖദീജ സുമനെ ആദരിച്ചു. ഇബ്രാഹിം പുനത്തില്‍ മുഖ്യപ്രഭാഷണം നടത്തി. പുനത്തില്‍ അബ്ദുല്‍ ഗഫൂര്‍ അധ്യക്ഷനായി. പി.പി അഷറഫ്, മങ്ങാടന്‍ പോക്കര്‍, ഇസ്ഹാഖലി, കെ.എച്ച് അബൂബക്കര്‍, ഗഫൂര്‍ കുറ്റിയില്‍, അന്‍വര്‍ സാദത്ത്, ജാസര്‍ പാലക്കല്‍, അബ്ദുല്‍ ലത്തീഫ്, യു ജൈഷ്, സി.കെ ഹാഫിസ്, ടി അസ്‌ലം, പി അബ്ദുല്‍ ഗഫാര്‍ സംസാരിച്ചു.
പിണങ്ങോട് യൂണിറ്റ് ഭാരവാഹികളായി സി.കെ അബ്ദുല്‍ അസീസ്(പ്രസി), പുനത്തില്‍ അബ്ദുല്‍ ഗഫൂര്‍, സി.കെ ഉമ്മര്‍(വൈ.പ്രസി), മണ്ണില്‍ റഊഫ്(സെക്ര), എ.പി സാലിഹ്, സി.കെ ഷമീം ബക്കര്‍(ജോ.സെക്ര), നാസര്‍ തുര്‍ക്കി(ട്രഷ) തെരഞ്ഞെടുത്തു.