മട്ടന്നൂര്‍: സ്വാതന്ത്ര്യദിനത്തില്‍ എസ്.കെ.എസ്.എസ്.എഫ് സംസ്ഥാന വ്യാപകമായി നടത്തപ്പെടുന്ന മട്ടന്നൂര്‍ മേഖല കമ്മിറ്റിയുടെ ഫ്രീഡം സ്‌ക്വയര്‍ പാണക്കാട് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുറഷീദ് ഫൈസി അധ്യക്ഷനാവും. വൈകുന്നേരം നാലിനു നടക്കുന്ന വിഖായ പരേഡില്‍ മേഖലയിലെ വിവിധ ശാഖകളില്‍ നിന്നു തിരഞ്ഞെടുക്കപ്പെട്ട 313 അംഗങ്ങള്‍ പങ്കെടുക്കും. ജില്ലാ ജനറല്‍ സെക്രട്ടറി മഹറൂഫ് സ്വാതന്ത്ര്യ ദിന പ്രതിജ്ഞ ചൊല്ലി കൊടുക്കും. പൊതുസമ്മേളനത്തില്‍ അബ്ദുറഹ്മാന്‍ കല്ലായി, ഷൗക്കത്തലി മൗലവി സംബന്ധിക്കും. യോഗത്തില്‍ റഹൂഫ്കീച്ചേരി, റാഷിദ് നിസാമി , ഫായിസ് പുന്നാട്, കെ.കെ ഉസ്മാന്‍ എന്നിവര്‍ സംബന്ധിച്ചു.