കൊല്ലം: എക്‌സൈസ് റേഞ്ച് നടത്തിയ റെയ്ഡില്‍ രണ്ട് കിലോഗ്രാം കഞ്ചാവുമായി രണ്ടുപേര്‍ പിടിയിലായി. ചിറയിന്‍കീഴ് ചെമ്പകമംഗലം ഊരുക്കോണം ലക്ഷം വീട്ടില്‍ ബൈക്ക് സതി എന്ന സതീഷ്, ചിറയിന്‍കീഴ് ചെമ്പമംഗലം വെന്‍കുളം തോപ്പില്‍ എഎസ് ഭവനില്‍ തക്കു എന്ന ആദര്‍ശ് എന്നിവരെയാണ് കൊല്ലം എക്‌സൈസ് റേഞ്ച് ഇന്‍സ്‌പെക്ടറുടെ നേതൃത്വത്തിലുള്ള സംഘം അറസ്റ്റ് ചെയ്തത്. ആറ്റിങ്ങള്‍, ചിറയിന്‍കീഴ് ഭാഗങ്ങളില്‍ സ്‌കൂള്‍, കോളജ് വിദ്യാര്‍ഥികള്‍ക്കും മറ്റും വില്‍ക്കുന്നതിനായി മധുരയില്‍ നിന്നും കഞ്ചാവ് വാങ്ങികൊണ്ടുവരുന്ന വഴിയാണ് ഇവര്‍ പിടിയിലായത്.