തിരൂരങ്ങാടി: സമസ്തക്ക് കീഴില്‍ പ്രവര്‍ത്തിക്കുന്ന മത സ്ഥാപനങ്ങളിലെ പൂര്‍വ വിദ്യാര്‍ഥി കൂട്ടായ്മയായ സമസ്ത അലുംനി കോഡിനേഷന്‍ ലീഡേഴ്‌സ് മീറ്റ് 'തബ്‌സ്വിറ-18' 24ന് ചെമ്മാട് ദാറുല്‍ ഹുദാ കാംപസില്‍ നടക്കും. രാവിലെ 9ന് സയ്യിദ് മുഹമ്മദ് ജിഫ്‌രി മുത്തുകോയ തങ്ങള്‍ ഉദ്ഘാടനം ചെയ്യും. സ്വാദിഖലി ശിഹാബ് തങ്ങള്‍ അധ്യക്ഷനാകും. ഹമീദലി ശിഹാബ് തങ്ങള്‍, കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, ഡോ.ബഹാഉദ്ദീന്‍ നദ്‌വി, എ.വി അബ്ദുറഹ്മാന്‍ മുസ്‌ലിയാര്‍, അബ്ദുല്‍ ഹകീം ഫൈസി ആദൃശ്ശേരി, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, സത്താര്‍ പന്തലൂര്‍, ഫരീദ് റഹ്മാനി, എം.പി കടുങ്ങല്ലൂര്‍ സംസാരിക്കും.
വിവിധ സെഷനുകളില്‍ ളിയാഉദ്ദീന്‍ ഫൈസി മേല്‍മുറി, അഹ്മദ് വാഫി, മുസ്തഫ ഹുദവി അരൂര് വിഷയം അവതരിപ്പിക്കും. മുഴുവന്‍ സ്ഥാപനങ്ങളിലെയും പ്രതിനിധികള്‍ കൃത്യ സമയത്ത് എത്തിച്ചേരണമെന്ന് ഭാരവാഹികള്‍ അറിയിച്ചു.