കട്ടാങ്ങല്‍: വേങ്ങേരിമഠത്ത് വയോധികയെ ആക്രമിച്ച് രണ്ടു പവന്‍ സ്വര്‍ണം കവര്‍ന്നു. വേങ്ങേരിമഠം തെക്കമ്പലം ഒതങ്കോട് പൊറ്റമ്മല്‍ ബിനീഷിന്റെ വീട്ടിലാണ് സംഭവം.
ഇദ്ദേഹത്തിന്റെ വീട്ടിലെത്തിയ അജ്ഞാതന്‍ കോലായില്‍ ഇരിക്കുകയായിരുന്ന ബിനീഷിന്റെ മാതാവ് ദേവിക അമ്മയുടെ കഴുത്തില്‍ കിടന്ന മാലയാണ് വീടിന്റെ പിറകുവശത്തു കൂടിയെത്തി കവര്‍ന്നത്. ഇന്നലെ രാവിലെ ഒന്‍പതോടെയായിരുന്നു സംഭവം.
ബിനീഷ് ജോലിക്കും ഭാര്യയും മക്കളും അമ്പലത്തിലും പോയ സമയത്താണ് സംഭവം നടന്നത്. കുന്ദമംഗലം പൊലിസ് കേസെടുത്ത് അന്വേഷണം ആരംഭിച്ചു.