തിരുവനന്തപുരം: ശബരിമലയിലെ അടിസ്ഥാന സൗകര്യങ്ങള്‍ പരിശോധിക്കുന്നതിനും മറ്റുമായി ഹൈക്കോടതി നിയോഗിച്ച മൂന്നംഗ നിരീക്ഷക സമിതിയെ അവഹേളിച്ച് ദേവസ്വം മന്ത്രി കടകംപള്ളി സുരേന്ദ്രന്‍.

ഹൈക്കോടതി നിരീക്ഷക സമിതിക്കെതിരേ നേരത്തെ പറഞ്ഞ കാര്യങ്ങളില്‍ ഉറച്ചുനില്‍ക്കുന്നുവെന്നും കക്കൂസിന്റെയും കുളിമുറിയുടേയും കണക്കെടുപ്പല്ല അവരുടെ പണിയെന്നുമാണ് മന്ത്രി പറഞ്ഞത്.

സുപ്രിംകോടതി വിധിയുടെ പശ്ചാത്തലത്തില്‍ സ്ത്രീ പ്രവേശനമടക്കം അവിടെ ഉയര്‍ന്നുവന്ന ക്രമസമാധാന പ്രശ്‌നങ്ങളുടെയും പശ്ചാത്തലത്തിലാണ് നിരീക്ഷക സമിതിയെ നിയോഗിച്ചിട്ടുള്ളത്.
സാധാരണക്കാരായ ആളുകള്‍ അല്ല സമിതിയിലുള്ളത്. രണ്ട് സമുന്നതരായ മുതിര്‍ന്ന ജഡ്ജിമാരും ഐ.പി.എസ് ഓഫിസറുമാണ്. അവര്‍ സര്‍ക്കാരിനും ദേവസ്വം ബോര്‍ഡിനും നിര്‍ദേശങ്ങള്‍ നല്‍കണം.
മറ്റു കാര്യങ്ങള്‍ നോക്കാന്‍ നേരത്തെ തന്നെ അവിടെയൊരു കമ്മിഷനുണ്ടെന്നും മന്ത്രി പറഞ്ഞു.