ആലപ്പുഴ: അണ്ടര്‍ 19 കൂച്ച് ബിഹാര്‍ ട്രോഫിയില്‍ കേരളത്തിനെതിരേ ത്രിപുരയ്ക്ക് മികച്ച തുടക്കം. ആദ്യദിനം കളി നിര്‍ത്തുമ്പോള്‍ ത്രിപുര ആറ് വിക്കറ്റ് നഷ്ടത്തില്‍ 217 റണ്‍സ് എടുത്തു. ഒന്നാം ഇന്നിങ്‌സില്‍ ത്രിപുരയ്ക്കായി ഓപ്പണര്‍മാരായ അരൂപ് ദത്ത (59), ബിക്രംകുമാര്‍ ദാസ് (40) എന്നിവര്‍ മികച്ച തുടക്കം നല്‍കി. റൈസ് ഉദ്യന്‍ 42 റണ്‍സുമായി പുറത്താകാതെ നില്‍ക്കുന്നു. കേരളത്തിനായി അക്ഷയ് മനോഹര്‍ രണ്ട് വിക്കറ്റ് വീഴ്ത്തി.