റിയാദ്: സമസ്ത കേരള ഇസ്ലാമിക് സെന്റര്‍(എസ്,കെ,ഐ,സി) ബുറൈദ സെന്‍ട്രല്‍ കമ്മിറ്റിയുടെ നേതൃത്വത്തില്‍ നാട്ടിലെ നിര്‍ധനരായവര്‍ക്ക് നിര്‍മിച്ച് നല്‍കുന്ന ഭവന പദ്ധതിയായ 'ഖാഫില'യുടെ നാലാമത്തെ വീടിന്റെ താക്കോല്‍ ദാന കര്‍മ്മം സമസ്ത കേരള ജംഇയ്യ ത്തുല്‍ ഉലമാ വൈസ് പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങള്‍ നിര്‍വഹിച്ചു.

കാസര്‍ക്കോട് ജില്ലയിലെ അത്തുട്ടിയിലെ നിര്‍ധന കുടുംബത്തിനാണ് വീട് നിര്‍മിച്ച് നല്‍കിയത്.
ശാഖ എസ്,കെ.എസ്,എസ്,എഫ് ഭാരവാഹികളുടെ സാന്നിധ്യത്തില്‍ നടന്ന ചടങില്‍ പി,കെ,തുറാബ് തങള്‍ അത്തുട്ടി,ബുറൈദ കമ്മിറ്റി ഭാരവാഹികളായ അബ്ദുറസാഖ് ചാവക്കാട്,അഷ്‌റഫ് ഫക്ക്മ,അബ്ദുല്‍ ലത്തീഫ് തച്ചംപൊയില്‍,അബ്ദുസമദ് മൗലവി,സൈത് ചെട്ടിപടി,ഷിഹാബ് ഒഴൂര്‍,അബ്ദുല്‍ഖാദര്‍ പളളികുത്ത്,മുജീബ് താമരശ്ശേരി സംബന്ധിച്ചു.