കണ്ണൂര്‍: ഈ വര്‍ഷത്തെ റവന്യൂ ജില്ലാ ടി.ടി.ഐ കലോത്സവത്തിന്റെ സ്റ്റേജിനങ്ങള്‍ ഇന്ന് കണ്ണൂര്‍ ഗവ.ടി.ടി.എ(മെന്‍), ശിക്ഷക് സദന്‍ വേദികളിലായി നടക്കും. ലളിതഗാനം, മാപ്പിളപ്പാട്ട്, മോണോ ആക്ട്, പ്രഭാഷണം, പദ്യം ചൊല്ലല്‍, പ്രസംഗം, സംഘഗാനം എന്നീ ഇനങ്ങളിലായി 10 ഗവ. എയ്ഡഡ് അണ്‍ എയ്ഡഡ് ടി.ടി.ഐകളില്‍ നിന്ന് 200ഓളം പ്രൈമറി അധ്യാപക വിദ്യാര്‍ഥികള്‍ പങ്കെടുക്കും. അധ്യാപക ദിനാഘോഷത്തോടനുബന്ധിച്ച് അധ്യാപകര്‍ക്കുള്ള ലളിതഗാനം, കവിയരങ്ങ്, സംഘഗാനം ഇനങ്ങളിലും ഈ വേദിയില്‍ മത്സരങ്ങള്‍ നടക്കും. രാവിലെ 10ന് ജില്ലാ പഞ്ചായത്ത് പ്രസിഡന്റ് കെ.വി സുമേഷ് കലോത്സവം ഉദ്ഘാടനം ചെയ്യും.