തൃശൂര്‍: ഡിസ്ട്രിക്റ്റ് പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷന്‍ 30ാമത് ജില്ലാ സമ്മേളനം നാളെ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. രാവിലെ പത്തിന് അസോസിയേഷന്‍ പരിസരത്ത് നടക്കുന്ന സമ്മേളനം സി.എന്‍ ജയദേവന്‍ എം.പി ഉദ്ഘാടനം ചെയ്യും.
എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നതവിജയം നേടിയ ജില്ലയിലെ അസോസിയേഷന്‍ മെംബര്‍മാരുടെ മക്കളെ പുരസ്‌കാരം നല്‍കി ആദരിക്കുന്ന ചടങ്ങ് ഹൈക്കോടതി ജസ്റ്റിസ്. അനു ശിവരാമന്‍ നിര്‍വഹിക്കും. ജില്ലാ മോട്ടോര്‍ ട്രാന്‍സ്‌പോര്‍ട്ട് സഹകരണ സംഘം പ്രസിഡന്റ് എം.പി ഭാസ്‌കരന്‍ നായരെ നോര്‍ക്ക റൂട്ട്‌സ് വൈസ് ചെയര്‍മാന്‍ സി.കെ മേനോന്‍ ആദരിക്കും.
വാര്‍ത്താ സമ്മേളനത്തില്‍ അസോസിയേഷന്‍ ജില്ലാ പ്രസിഡന്റ് എം.എസ് പ്രേംകുമാര്‍, ജനറല്‍ സെക്രട്ടറി ആന്റോ ഫ്രാന്‍സിസ്, ട്രഷറര്‍ ടി.കെ നിര്‍മലാനന്ദന്‍, ജോയ്ന്റ് സെക്രട്ടറി സി.എ ജോയ് പങ്കെടുത്തു.