കണ്ണൂര്‍: വിഷന്‍ ഗ്രീന്‍ എര്‍ത്ത് മൂവ്‌മെന്റ് സൊസൈറ്റി സംഘടിപ്പിക്കുന്ന അന്നം പദ്ധതിയുടെ രണ്ടാംഘട്ടമായ ജില്ലാതല സംശുദ്ധഭക്ഷണ സന്ദേശയാത്ര 16ന് തുടങ്ങും. രാവിലെ 10ന് ദീനുല്‍ ഇസ്‌ലാം സഭ ഗേള്‍സ് ഹയര്‍സെക്കന്‍ഡറി സ്‌കൂളില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്യും. മണ്ണിന്റെ പരിപോഷണവും ജലസംരക്ഷണവും സംഗീതാസ്വാദന കല തുടങ്ങിയ വിഷയങ്ങള്‍ കോര്‍ത്തിണക്കിയാണ് സന്ദേശയാത്ര. വാര്‍ത്താസമ്മേളനത്തില്‍ സംഘാടകരായ രാജന്‍ വേങ്ങാട്, മണിദാസ് പയ്യോളി, സുരേഷ് മിത്ര, രാജീവ് മേമുണ്ട സംബന്ധിച്ചു.