ന്യൂഡല്‍ഹി: രണ്ട് സ്വാശ്രയ മെഡിക്കല്‍ കോളജുകളിലെ പ്രവേശനം സുപ്രിംകോടതി റദ്ദാക്കി. അടൂര്‍ മൗണ്ട് സിയോണ്‍ കോളജിലേക്കും കല്‍പ്പറ്റ ഡി.എം കോളജിലേക്കും ഹൈക്കോടതിയുടെ അനുമതിയോടെ നടത്തിയ പ്രവേഷനമാണ് റദ്ദാക്കിയത്.

മെഡിക്കല്‍ കൗണ്‍സില്‍ ഓഫ് ഇന്ത്യയുടെ അംഗീകാരം ഇല്ലാത്തതിനാലാണ് മെഡിക്കല്‍ പ്രവേശനം റദ്ദാക്കി സുപ്രിം കോടതി ഉത്തരവിട്ടത്. ഇന്ത്യന്‍ മെഡിക്കല്‍ കൗണ്‍സില്‍ സമര്‍പ്പിച്ച ഹരജി പരിഗണിച്ചാണ് നടപടി. കഴിഞ്ഞ ദിവസം തൊടുപുഴ അല്‍ അസ്ഹര്‍ കോളജിന്റേയും പ്രവേശനാനുമതി റദ്ദാക്കിയിരുന്നു.