തൊടുപുഴ: ആത്മഹത്യയ്ക്കു ശ്രമിച്ച മാധ്യമ പ്രവര്‍ത്തകനെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. ന്യൂസ് 18 കേരളയിലെ മുതിര്‍ന്ന മാധ്യമപ്രവര്‍ത്തകന്‍, കൊല്ലം പെരുമണ്‍ സ്വദേശി ബി. ദിലീപ്കുമാര്‍ ആണ് ഇന്നലെ രാവിലെ കട്ടപ്പനയിലെ ലോഡ്ജില്‍ ആത്മഹത്യയ്ക്കു ശ്രമിച്ചത്. ബുധനാഴ്ച രാത്രിയില്‍ സുഹൃത്തുക്കളുമായി കൊല്ലത്തെ സഹോദരിയുടെ വീട്ടില്‍ നിന്ന് കാറില്‍ പുറപ്പെട്ട ദിലീപ് പുലര്‍ച്ചെയാണ് കട്ടപ്പനയില്‍ ലോഡ്ജില്‍ മുറിയെടുത്തത്. രാവിലെ വിശ്രമിക്കുന്നതിനിടെ ചായ കുടിക്കാന്‍ സുഹൃത്തുക്കള്‍ ദിലീപിനെയും വിളിച്ചു. എന്നാല്‍ ദിലീപ് മുറിയില്‍ തന്നെയിരുന്നു. മടങ്ങിയത്തെിയ സുഹൃത്തുക്കള്‍ വിളിച്ചെങ്കിലും വാതില്‍ തുറന്നില്ല. ബാത്ത്‌റൂമിന്റെ വെന്റിലേഷനിലൂടെ നോക്കിയപ്പോള്‍ ഫാനില്‍ തൂങ്ങിക്കിടക്കുന്നതാണു കണ്ടത്. സഹോദരിയുടെ വീട്ടില്‍ ആത്മഹത്യാകുറിപ്പ് എഴുതി വച്ച ശേഷമാണ് കട്ടപ്പനയിലേക്ക് പുറപ്പെട്ടതെന്ന് പറയുന്നു. കഴിഞ്ഞ മാസം ദലിത് മാധ്യമപ്രവര്‍ത്തക ആത്മഹത്യക്ക് ശ്രമിച്ച കേസില്‍ ദിലീപ്കുമാര്‍ പ്രതിയാണ്.