പയ്യോളി: ദിനംപ്രതി നിരവധി യാത്രക്കാര്‍ ആശ്രയിക്കുന്ന ഇരിങ്ങല്‍ റെയില്‍വേ സ്റ്റേഷനോട് അധികൃതര്‍ അവഗണന കാണിക്കുന്നതായി പരാതി. ഇവിടെ റെയില്‍വേ പ്ലാറ്റ്‌ഫോമിന് ഉയരമില്ലാത്തതിനാല്‍ യാത്രക്കാര്‍ ട്രെയിനില്‍ കയറാന്‍ ബുദ്ധിമുട്ടുകയാണ്. പ്രായമുള്ളവരും ചെറിയ കുട്ടികളുമാണ് ഏറെ പ്രയാസപ്പെടുന്നത്.
പ്ലാറ്റ്‌ഫോം ഉയര്‍ത്തണമെന്നാവശ്യപ്പെട്ടു നിരവധി തവണ റെയില്‍വേ അധികാരിക്കള്‍ക്കു നിവേദനം നല്‍കിയിട്ടും നടപടിയുണ്ടായിട്ടില്ല. എട്ട് പാസഞ്ചര്‍ ട്രെയിനുകള്‍ക്കാണ് ഇവിടെ സ്റ്റോപ്പുള്ളത്. മുല്ലപ്പള്ളി രാമചന്ദ്രന്‍ എം.പി റെയില്‍വേ പ്ലാറ്റ്‌ഫോം ഉയര്‍ത്തുന്നതിന് 30 ലക്ഷം രൂപ അനുവദിച്ചിരുന്നു.