നെടുമ്പാശ്ശേരി: കുറ്റിപ്പുഴ ക്രൈസ്റ്റ് രാജ് ഹൈസ്‌ക്കൂളില്‍ ഹിന്ദി വാരാഘോഷം വിവിധ പരിപാടികളോടെ ആഘോഷിച്ചു.
സ്‌കൂളില്‍ നിന്നും വിരമിച്ച ഹിന്ദി അദ്ധ്യാപകരായ പി.വി. ലാസര്‍, എം.എം കൊച്ചമ്മണിയമ്മ, പി.ജെ.ലിസി എന്നിവരെ സ്‌കൂള്‍ മാനേജര്‍ ഫാ.വിന്‍സന്റ് പറമ്പത്തറ പൊന്നാട അണിയിച്ചും ഹെഡ്മിസ്ട്രസ് ലീന ടീച്ചര്‍ മെമന്റോ നല്‍കിയും ആദരിച്ചു.
സ്‌കൂളിലെ ഹിന്ദി അധ്യാപകരായ പി.പി.ഓമന, പി.എ.എല്‍സി, പി.ജെ. ജിബി, കെ.വി.സിജി തുടങ്ങിയവര്‍ സംസാരിച്ചു. യോഗത്തില്‍ അങ്കമാലി ബി.ആര്‍.സിയിലെ പ്രതിനിധികള്‍, പി.ടി.എ അംഗങ്ങള്‍, അധ്യാപകര്‍, വിദ്യാര്‍ഥികള്‍ തുടങ്ങിയവര്‍ പങ്കെടുത്തു.
കൂത്താട്ടുകുളം: ഗവ. യു പി സ്‌കൂളില്‍ ഹിന്ദി ദിനാചരണത്തോടനുബന്ധിച്ച് കൈയക്ഷര മത്സരം, പ്രസംഗ മത്സരം, പോസറ്റര്‍ രചന മത്സരം തുടങ്ങിയവ സംഘടിപ്പിച്ചു.
കൈയെഴുത്തു മാസികകള്‍ ഹെഡ്മിസ്ട്രസ് ആര്‍ വല്‍സല ദേവി പ്രകാശനം ചെയ്തു. നിനതോമസ്, മല്ലിക എന്നിവര്‍ സംസാരിച്ചു. സാഹിത്യ ക്വിസ്, കവിതാലാപനം, എന്നിവയും ഉണ്ടായി.