നാടുംപൊയില്‍: 28ാം മൈലിലെ സ്വകാര്യ വ്യക്തിയുടെ ക്രഷറില്‍നിന്നു കരിങ്കല്‍ പൊടിയും മറ്റും കലര്‍ന്ന മലിനജലം പൂളക്കുറ്റി വെള്ളറ നെല്ലാനിക്കല്‍ തോട്ടിലൂടെ ഒഴുക്കിവിടുന്നതായി പ്രദേശവാസികള്‍. ആദിവാസികളടക്കും കുളിക്കാനും കുടിക്കാനുമായി ഉപയോഗിക്കുന്ന തോട്ടിലെ വെള്ളം ഉപയോഗിക്കാന്‍ കഴിയാത്ത അവസ്ഥയിലാണ്. ഇതു സംബന്ധിച്ച് നിരവധി തവണ പരാതിപ്പെട്ടെങ്കിലും ആധികൃതരുടെ ഭാഗത്തുനിന്ന് യാതൊരു നടപടിയുമില്ലെന്ന് പ്രദേശവാസികള്‍ ആരോപിക്കുന്നു.
ഇതിനെതിരേ നടപടി സ്വീകരിക്കാത്തപക്ഷം ശക്തമായ പ്രതിഷേധത്തിനൊരുങ്ങുമെന്ന് നാട്ടുകാര്‍ പറഞ്ഞു.