തൃക്കരിപ്പൂര്‍: ജില്ലാ കലക്ടറുടെ പേരില്‍ വാട്‌സ് ആപ്പ് വഴിയുള്ള വ്യാജ പ്രചരണം വിദ്യാര്‍ഥികളെയും രക്ഷിതാക്കളെയും ഒരുപോലെ ആശങ്കയിലാക്കുന്നു. കനത്ത മഴ തുടരുന്നതിനാല്‍ ജില്ലയിലെ മുഴുവന്‍ വിദ്യാഭ്യാസ സ്ഥാപനങ്ങള്‍ക്കും ജില്ലാ കലക്ടര്‍ വാര്‍ത്താസമ്മേളനത്തില്‍ അവധി പ്രഖ്യാപിച്ചതായാണു ചില വാട്‌സ് ആപ്പ് ഗ്രൂപ്പില്‍ ഇന്നലെ പ്രചരണം നടത്തിയത്. പലരും മാധ്യമ പ്രവര്‍ത്തകരുമായി ഫോണില്‍ ബന്ധപ്പെട്ടാണു സത്യം മനസിലാക്കിയത്. ഇത്തരം വ്യാജ പ്രചരണം നടത്തുന്നവരെ കണ്ടെത്തി നടപടികള്‍ക്ക് വിധേയമാക്കണമെന്നാണ് രക്ഷിതാക്കളുടെ ആവശ്യം.