തെരങ്ക്: അസമിലെ ജമിന്ദര്‍ തെരങ്ക് ഗ്രാമത്തില്‍ പൊലിസും സൈന്യവും നടത്തിയ സംയുക്ത ഓപറേഷനില്‍ ആയുധങ്ങളുമായി രണ്ടു പേര്‍ പിടിയില്‍. 20 ബി.എന്‍ സി.ആര്‍.പി.എഫ്,സിവില്‍ പൊലിസ് സ്‌പെഷ്യല്‍ ടാസ്‌ക് ഫോഴ്‌സ് എന്നിവര്‍ ചേര്‍ന്ന് നടത്തിയ തിരച്ചിലിലാണ് ആയുധങ്ങളും തോക്കുകളുമായി രണ്ടു പേരെ പിടികൂടിയത്.

കര്‍ബി പീപിള്‍സ് ലിബറേഷന്‍ ടൈഗര്‍ എന്ന ഭീകര സംഘടനയുടെ അംഗമായ സോണ സിങ് റോങ്പി, മഞ്ജീത് ബുംജി എന്നിവരാണ് അറസ്റ്റിലായത്. പൊലിസ് ആണ് ഇക്കാര്യമറിയിച്ചത്. എ.കെ 56-1,രണ്ട് ഗ്രനേഡ്,റൈഫിള്‍,തോക്കുകള്‍ എന്നിവ ഇവരില്‍ നിന്ന് പിടിച്ചെടുത്തിട്ടുണ്ട്. ദേശീയ മാധ്യമങ്ങളാണ് വാര്‍ത്ത പുറത്തുവിട്ടത്.