കോഴിക്കോട്: സുന്നി യുവജന സംഘം സംസ്ഥാന കമ്മറ്റിയുടെ ആഭിമുഖ്യത്തില്‍ ശരീഅത്ത് സംരക്ഷണ സമ്മേളനം നാളെ കോഴിക്കോട്ട് നടക്കും. ഫ്രാന്‍സിസ് റോഡിലെ സമസ്ത അങ്കണത്തില്‍ പ്രത്യേകം സജ്ജമാക്കിയ ശംസുല്‍ ഉലമാ നഗറിലാണ് സമ്മേളനം നടക്കുന്നത്.
രാവിലെ 9 മണിക്ക് റജിസ്‌ട്രേഷന്‍ ആരംഭിക്കും. 10 മണിക്ക് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളുടെ അധ്യക്ഷതയില്‍ സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
പ്രൊഫ.കെ.ആലിക്കുട്ടി മുസ്‌ലിയാര്‍ മുഖ്യ പ്രഭാഷണം നടത്തും. എം.ടി.അബ്ദുല്ല മുസ്‌ലിയാര്‍ (വിവാഹം, വിവാഹമോചനം), അബ്ദുല്‍ ഹമീദ് ഫൈസി അമ്പലക്കടവ്(പ്രബോധനത്തിന്റെ അതിര് ), അബ്ദുസമദ് പൂക്കോട്ടൂര്‍ (ശരീഅത്ത് സംരക്ഷണം വിശ്വാസിയുടെ ബാധ്യത), ഓണംപിള്ളി മുഹമ്മദ് ഫൈസി ( ശരീഅത്തും ഭരണഘടനയും) വിഷയങ്ങള്‍ അവതരിപ്പിക്കും.
ഉമര്‍ ഫൈസി മുക്കം, ഉമര്‍ മുസ്‌ലിയാര്‍ കൊയ്യോട്, ഡോ.ബഹാഉദ്ദീന്‍ മുഹമ്മദ് നദ്‌വി, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, എ.വി.അബ്ദുറഹിമാന്‍ മുസ്‌ലിയാര്‍, പിണങ്ങോട് അബൂബക്കര്‍, കെ.മോയിന്‍കുട്ടി മാസ്റ്റര്‍, നാസര്‍ ഫൈസി കൂടത്തായി, സത്താര്‍ പന്തലൂര്‍ പ്രസംഗിക്കും. 5 മണിക്ക് സമ്മേളനം സമാപിക്കും.