തോല്‍പ്പെട്ടി: സ്വകാര്യ വ്യക്തിയുടെ കാപ്പിത്തോട്ടത്തില്‍ പുള്ളിപുലിയുടെ ജഡം കണ്ടെത്തി.
വെള്ളറ കോളനി നിവാസികള്‍ കൂണ്‍ തിരയുന്നതിനിടെയാണ് ഞായറാഴ്ച ഉച്ചയോടെ പുലിയുടെ ജഡം കണ്ടത് . ഏകദേശം മൂന്ന് വയസ് തോന്നിക്കുന്ന ആണ്‍ പുള്ളിപ്പുലിയുടെ ജഡമാണ് കണ്ടെത്തിയത്. നാട്ടുകാര്‍ വിവരമറിയിച്ചതിനെ തുടര്‍ന്ന് നോര്‍ത്ത് വയനാട് ഡി.എഫ്.ഒ സി പ്രസാദ്, ബേഗൂര്‍ റെയ്ഞ്ച് ഓഫീസര്‍ എം.എന്‍ നജ്മല്‍ അമീന്‍ എന്നിവരുടെ നേതൃത്വത്തിലുള്ള വനപാലക സംഘം സ്ഥലത്തെത്തി.
വെറ്ററിനറി ഡോക്ടര്‍ ലക്ഷ്മിയുടെ നേതൃത്വത്തില്‍ പരിശോധിച്ച പുള്ളിപ്പുലിയുടെ ജഡം വനത്തില്‍ സംസ്‌കരിച്ചു.