തിരുവനന്തപുരം: കേന്ദ്ര, സംസ്ഥാന സര്‍ക്കാരുകളുടെ ജനവഞ്ചനയ്‌ക്കെതിരേ നവംബര്‍ ഒന്നു മുതല്‍ ഡിസംബര്‍ ഒന്നു വരെ പ്രതിപക്ഷ നേതാവ് രമേശ് ചെന്നിത്തല നയിക്കുന്ന യാത്രയുടെ പേര് പടയൊരുക്കം. യു.ഡി.എഫ് നേതാക്കള്‍ ചുമരെഴുതിക്കൊണ്ടാണ് യാത്രയ്ക്കു പേരിട്ടത്.
ഇന്നലെ രാവിലെ തിരുവനന്തപുരം പാറ്റൂര്‍ ജങ്ഷനിലായിരുന്നു നാമകരണ പരിപാടി. പ്രതിപക്ഷ നേതാവ് രമേശ് ചെന്നിത്തല, മുസ്‌ലിം ലീഗ് അഖിലേന്ത്യാ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി, കെ.പി.സി.സി പ്രസിഡന്റ് എം.എം ഹസന്‍, മുന്‍ മുഖ്യമന്ത്രി ഉമ്മന്‍ചാണ്ടി,യു.ഡി.എഫ് കണ്‍വീനര്‍ പി.പി തങ്കച്ചന്‍, ആര്‍.എസ്.പി നേതാവ് എ.എ അസീസ്, ജനതാദള്‍ നേതാവ് എം.എന്‍ നായര്‍, സി.എം.പി നേതാവ് എം.പി സാജു, ഫോര്‍വേര്‍ഡ് ബ്ലോക്ക് നേതാവ് ദേവരാജന്‍ പങ്കെടുത്തു.