കൊച്ചി: നടിയെ കാറില്‍ തട്ടിക്കൊണ്ടുപോയി ആക്രമിച്ച കേസില്‍ നടന്‍ ദിലീപിനെതിരായ കുറ്റപത്രം തയാറായി. ദിലീപിനെ ഒന്നാം പ്രതിയാക്കാനാണ് അന്വേഷണ സംഘത്തിന്റെ ധാരണയായി. കുറ്റപത്രം ഉടന്‍ കോടതിയില്‍ സമര്‍പ്പിക്കുമെന്ന് അന്വേഷണ സംഘം തലവന്‍ ആലുവ റൂറല്‍ എസ്.പി എ.വി ജോര്‍ജ് അറിയിച്ചു.

വ്യാഴാഴ്ച രാത്രി അന്വേഷണ സംഘം ആലുവ പൊലിസ് ക്ലബ്ബില്‍ യോഗം ചേര്‍ന്നിരുന്നു. കേസില്‍ നിയമോപദേശം തേടാനും ദിലീപിനെ ഒന്നാം പ്രതിയാക്കാനും യോഗത്തില്‍ ധാരണയായി. പള്‍സര്‍ സുനിയെ രണ്ടാം പ്രതിയാക്കാനും ധാരണയുണ്ട്.