ഷാര്‍ജ: നവംബര്‍ ഒന്നുമുതല്‍ പതിനൊന്ന്വരെ ഷാര്‍ജ എക്‌സ്‌പോ സെന്ററില്‍ നടക്കുന്നഅന്താരാഷ്ട്ര പുസ്തകോത്സവത്തിലെഗള്‍ഫ് സത്യധാര പവലിയന്‍ ശ്രദ്ധേയമാക്കുന്നതിന് ഒരുക്കങ്ങള്‍ പൂര്‍ത്തിയാവുന്നു.അന്താരാഷ്ട്രതലത്തില്‍ മൂന്നാമത്തെപുസ്തകോത്സവത്തിന്റെ 36ാമത്വര്‍ഷമാണിത്.ലോകോത്തര പ്രസാധകരുടെ പുസ്തകങ്ങള്‍ ലഭ്യമാവുന്ന പുസ്തകോത്സവത്തില്‍ കഴിഞ്ഞ നാല് വര്‍ഷമായി 'ഗള്‍ഫ് സത്യധാര'യുടെ പവലിയന്‍ മലയാളി വായനക്കാരുടെ സാന്നിധ്യം കൊണ്ട് ശ്രദ്ധേയമാവാറുണ്ട്.

ഗള്‍ഫ് മേഖലയില്‍ ആദ്യമായി കേരളത്തിലെ ഒരു വിദ്യാര്‍ഥി ബഹുജന പ്രസ്ഥാനം പുറത്തിറക്കിയ പ്രസിദ്ധീകരണമായ 'ഗള്‍ഫ് സത്യധാര മാസിക'പ്രവാസികള്‍ക്കിടയില്‍ ഈ കാലയളവില്‍ഏറെ സ്വാധീനം ചെലുത്തിയിട്ടുണ്ട്. വിവരസാങ്കേതിക ഉപകരണങ്ങളുടെ ആധിക്യത്തിലും വായനയുടെ സ്വാധീനം നില നിര്‍ത്താനും ധര്‍മ്മം മറന്ന ആധുനിക മനുഷ്യന്റെ ജീവിതത്തില്‍ നന്മകളുടെ വഴികളെ കാണിക്കാനുംവിശിഷ്യ പ്രവാസികളുടെ ദൈനംദിന ജീവിതത്തെ സ്പര്‍ശിക്കുന്ന വിഷയങ്ങളെ സമഗ്രമായി വിശകലനം ചെയ്തുകൊണ്ടാണ് സത്യധാരയുടെ ഓരോ പതിപ്പും പുറത്തിറക്കിയത്.

മാസികയുടെ അഞ്ചാം വാര്‍ഷികം ആഘോഷിക്കുന്ന ഈ വേളയില്‍ കേരളത്തിലെ മികച്ച പ്രസാധകരുടെ പുസ്തകങ്ങള്‍ ലഭ്യമാവുന്നഈ വര്‍ഷത്തെ പവലിയന്‍ ഏറെ ആകര്‍ഷണീയമായിരിക്കും. ഇന്ത്യന്‍ പവലിയനില്‍ മലയാളി വായനക്കാരുടെഇഷ്ടകേന്ദ്രമാവുന്ന 'ഗള്‍ഫ് സത്യധാര' പവലിയന്‍കഴിഞ്ഞ വര്‍ഷങ്ങളില്‍ കേരളത്തിലെ മത-സാഹിത്യ-സാമൂഹിക-സാംസ്‌കാരിക-രാഷ്ട്രീയ രംഗത്തെപ്രമുഖര്‍ സന്ദര്‍ശിച്ചിരുന്നു.

സ്വാഗത സംഘം ചെയര്‍മാന്‍ അബ്ദുല്ല ചേലേരിയുടെ അധ്യക്ഷതയില്‍ ചേര്‍ന്ന യോഗം പ്രചാരണ പ്രവര്‍ത്തങ്ങള്‍ വിലയിരുത്തി. അബ്ദുല്‍ റസാഖ് വളാഞ്ചേരി, അബ്ദുല്‍ റസാഖ് തുരുത്തി, ഷാഹുല്‍ ഹമീദ് ചെമ്പരിക്ക,ഹകീം ടി.പി.കെ, ഇസ്ഹാഖ് കുന്നക്കാവ് തുടങ്ങി ജില്ലാ സംസ്ഥാന നേതാക്കള്‍ പങ്കെടുത്തു. സുഹൈല്‍ വലിയ സ്വാഗതവുംഫൈസല്‍ പയ്യനാട് നന്ദിയും പറഞ്ഞു.