മങ്കട: പൊലിസ് സ്‌റ്റേഷനില്‍ പൊലിസ് ക്ലിയറന്‍സ് സര്‍ട്ടിഫിക്കറ്റ്് നല്‍കുന്നില്ലെന്ന് പരാതി. പി.സി.സിക്ക് അപേക്ഷിച്ചവരോട് തരാന്‍ കഴിയില്ലെന്ന നിലപാടാണ് അധികൃതര്‍ (റൈറ്റര്‍) സ്വീകരിക്കുന്നത്. അപേക്ഷകരില്‍ പലരോടും സാങ്കേതിക കാരണം പറഞ്ഞും നിഷേധിക്കുന്നുണ്ട്. മറ്റു സ്‌റ്റേഷനുകളില്‍ പി.സി.സി കൊടുക്കുമ്പോള്‍ ഇവിടെ മാത്രം നല്‍കാത്തത് ഇരട്ട നീതിയാണെന്നാണ് വിമര്‍ശനം ഉയരുന്നത്.
പലരും ഇതിനകം എസ്.പി ഓഫീസില്‍ പരാതി നല്‍കി. പരാതിക്കാരുമായി ചെന്ന അപേക്ഷകനെ അധിക്ഷേപിച്ചതായും ആരോപണവുമുണ്ട്.
ബന്ധപ്പെട്ട ഉദ്യോഗസ്ഥര്‍ക്കെതിരേ നടപടി യെടുക്കണമെന്ന് ആവശ്യപ്പെട്ട് എസ്.പി, ഡി.ജി.പി ആഭ്യന്തര സെക്രട്ടറി എന്നിവര്‍ക്ക് നാട്ടുകാര്‍ പരാതി നല്‍കാനിരിക്കുകയാണ്.