അടിമാലി: മൊബൈല്‍ ഫോണ്‍ കാണാതായതുമായി ബന്ധപ്പെട്ടുളള തര്‍ക്കം കത്തിക്കുത്തില്‍ കലാശിച്ചു. ഒരാള്‍ക്ക് പരുക്കേറ്റു. കുരുശുപാറ എട്ടേക്കറില്‍ താമസിക്കുന്ന ഷിജു വിജയാനാണ് കുത്തേറ്റത്.
സംഭവവുമായി ബന്ധപ്പെട്ട് കല്ലാര്‍ വട്ടയാര്‍ പളളികുന്നേല്‍ ചെല്ലപ്പനെതിരെ പൊലിസ് കേസെടുത്തു. കഴിഞ്ഞ ദിവസം ഷിജുവിന്റെ മോബൈല്‍ ഫോണ്‍ കാണാതായിരുന്നു. ചെല്ലപ്പന്റെ മകളുടെ ഭര്‍ത്താവിനെ സംശയിച്ച ഷിജു ചെല്ലപ്പന്റെ വീട്ടിലെത്തി വഴക്കിട്ടിരുന്നു. പ്രശ്‌നം പൊലിസ് സ്റ്റേഷനില്‍ മദ്യസ്ഥ ചര്‍ച്ചക്ക് വരെ ഇടയാക്കി.
വീണ്ടും ഇത്സംബന്ധിച്ച് തര്‍ക്കം ഉണ്ടായതോടെ പ്രകോപിതനായ ചെല്ലപ്പന്‍ ഷിജുവിനെ കത്തിക്ക് കുത്തി വീഴ്ത്തുകയായിരുന്നു. തുടര്‍ന്ന് പൊലിസ് സ്റ്റേഷനില്‍ ഹാജരായി വിവരം പറഞ്ഞശേഷം പോവുകയും ചെയ്തു. പരുക്കേറ്റ ഷിജു ആശുപത്രിയില്‍ ചികിത്സയിലാണ്.