കോടാലി: സമസ്തകേരള സുന്നി യുവജന സംഘം കോടാലി യൂണിറ്റിന്റെ നേതൃത്വത്തില്‍ കേരള പിറവിദിനമായ നവംബര്‍ ഒന്നിന്് എസ്.വൈ.എസ് സേവനദിനമായി ആചരിച്ചു. അന്നാംപാടം മുസ്്‌ലിം പള്ളി റോഡും പരിസരവും ശുചീകരിച്ചു. തെരുവില്‍ സലാമിന്റെ അധ്യക്ഷതയില്‍ ചേര്‍ന്ന യോഗത്തില്‍ കോടാലി മഹല്ല് കമ്മിറ്റി അംഗവും എസ്.വൈ.എസ് ട്രഷററുമായ ചെറിയേടത്ത് പറമ്പില്‍ സാദത്ത് ഉദ്ഘാടനം നിര്‍വ്വഹിച്ചു. തോരപ്പ സിഹാബ്, നൗഷാദ് മന്ത്രികുത്ത്, നാദിര്‍ഷ, സിറാജുദ്ദീന്‍, കേളംപടി അലി, കുഞ്ഞാമ, താജുദ്ദീന്‍ എന്നിവരുടെ നേതൃത്വത്തില്‍ ശുചീകരണ പ്രവര്‍ത്തനങ്ങള്‍ നടത്തി.