കോവളം: ഭാരതീയ ജനതാ കര്‍ഷകമോര്‍ച്ച തിരുവനന്തപുരം ജില്ലാ കമ്മിറ്റിയുടെ നേതൃത്വത്തില്‍ ചിങ്ങം ഒന്ന് കര്‍ഷക ദിനമായി ആചരിക്കും. കര്‍ഷകരെ ആദരിക്കാനായി കര്‍ഷകവന്ദനം സംഘടിപ്പിക്കും. 17ന് വൈകിട്ട് 4.30ന് ബാലരാമപുരം കല്‍പ്പടിയില്‍ ഹാളില്‍ നടക്കുന്ന പരിപാടി ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍ ഉദ്ഘാടനം ചെയ്യും. നേതാക്കളായ ജോര്‍ജ്ജ് കുര്യന്‍, എം.പി അനില്‍, അഡ്വ. സുരേഷ്, വെങ്ങാനൂര്‍ ഗോപന്‍, ജി.പി ശ്രീകുമാര്‍, കട്ടച്ചല്‍ക്കുഴി എം. രാധാകൃഷ്ണന്‍, പാപ്പനംകോട് സജി, തിരുപുറം ബിജു സംസാരിക്കും.