കൊല്ലം: കേരളാ മുസ്‌ലിം ജമാഅത്ത് ഫെഡറേഷന്റെ നേതൃത്വത്തില്‍ നാളെ സ്വാതന്ത്ര്യദിന റാലിയും ഏക സിവില്‍കോഡ് സെമിനാറും നടക്കും. രാവിലെ കൊല്ലം ചിന്നക്കട ഗസ്റ്റ്ഹൗസ് ഗ്രൗണ്ടില്‍ നിന്ന് ആരംഭിക്കുന്ന സ്വാതന്ത്ര്യദിന റാലി താലൂക്ക് കച്ചേരി ജങ്ഷനില്‍ സമാപിക്കും. തുടര്‍ന്ന് ട്രാന്‍സ്‌പോര്‍ട്ട് ബസ് സ്റ്റാന്‍ഡ് മസ്ജിദ് ഗ്രൗണ്ടില്‍ നടക്കുന്ന ഏക സിവില്‍കോഡ് സെമിനാറില്‍ ഫെഡറേഷന്‍ ജനറല്‍ സെക്രട്ടറി അഡ്വ. കെ.പി മുഹമ്മദ് പ്രബന്ധം അവതരിപ്പിക്കും. പ്രമുഖ വ്യക്തികളും നിയമജ്ഞരും ചര്‍ച്ചയില്‍ പങ്കെടുക്കും. വൈകീട്ട് നാലിന് ഫെഡറേഷന്‍ സംസ്ഥാന പ്രസിഡന്റ് കടയ്ക്കല്‍ അബ്ദുല്‍ അസീസ് മൗലവിയുടെ അധ്യക്ഷതയില്‍ പൊതുസമ്മേളനം എന്‍.കെ പ്രേമചന്ദ്രന്‍ എം.പി ഉദ്ഘാടനം ചെയ്യും. സാമൂഹിക സാംസ്‌കാരിക സാമുദായിക നേതാക്കളും സംഘടനാ പ്രതിനിധികളും സംസാരിക്കും.