ചെമ്മങ്കടവ്: പി.എം.എസ്.എ.എം.എ ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികള്‍ ദേശിയ വിദ്യാഭ്യാസ ദിനാചരണം നടത്തി. സ്‌കൂളിലെ എന്‍.എസ്.എസ് യൂനിറ്റാണ് ദിനാചരണം നടത്തിയത്. ദിനാചരണത്തോടനുബന്ധിച്ച് പാലക്കലിലെ, കോഡൂര്‍ ഗ്രാമപഞ്ചായത്ത് ബഡ്‌സ് സ്‌പെഷല്‍ സ്‌കൂളിലെ വിദ്യാര്‍ഥികള്‍ക്ക് പഠനോപകരണങ്ങള്‍ നല്‍കി.
പഞ്ചായത്ത് വിദ്യാഭ്യാസ സ്ഥിരസമിതി അധ്യക്ഷന്‍ കെ.എം സുബൈര്‍ ഉദ്ഘാടനം ചെയ്തു. എന്‍.എസ്.എസ് പ്രോഗ്രാം ഓഫിസര്‍ എന്‍.കെ അഫ്‌സല്‍ റഹ്മാന്‍, യൂനിറ്റ് ലീഡര്‍മാരായ സി.എച്ച് റിസ്‌വ, കെ. മുഹമ്മദ് സിനാന്‍ നേതൃത്വം നല്‍കി.