കണ്ണൂര്‍: ശാസ്ത്രലോകത്തിനു പുത്തന്‍ പ്രതീക്ഷകളുണര്‍ത്തി കുരുന്നുകള്‍ നിരന്നു. അഞ്ച് സ്‌കൂളുകളിലായി കണ്ണൂര്‍ റവന്യൂ ജില്ലാ ശാസ്‌ത്രോത്സവത്തിന് തുടക്കമായി. ശാസ്ത്രമേള സെന്റ് തെരേസാസ് ആംഗ്ലോ ഇന്ത്യന്‍ എച്ച്.എസ്.എസിലും ഗണിത ശാസ്ത്രമേള പള്ളിക്കുന്ന് ഗവ. ഹര്‍സെക്കന്‍ഡറി സ്‌കൂളിലും സാമൂഹ്യ ശാസ്ത്രമേള സെന്റ് മൈക്കിള്‍സ് ആംഗ്ലോ ഇന്ത്യന്‍ എച്ച്.എസ്.എസിലും പ്രവൃത്തി പരിചയമേള ചൊവ്വ ഹയര്‍സെക്കന്‍ഡറി, ചൊവ്വ ധര്‍മ്മസമാജം യു.പി സ്‌കൂളിലും ഐ.ടി മേള കണ്ണൂര്‍ ജി.വി.എച്ച്.എസ്.എസിലുമാണ് നടക്കുന്നത്. ചൊവ്വ ഹയര്‍സെക്കന്‍ഡറി സ്‌കൂളില്‍ മേയര്‍ ഇ.പി ലത ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ അധ്യക്ഷയായി. ജില്ലാ വിദ്യാഭ്യാസ ഉപഡയറക്ടര്‍ യു. കരുണാകരന്‍, ഷാഹിന മൊയ്തീന്‍, ടി.ഒ മോഹനന്‍, കെ. ബാലകൃഷ്ണന്‍, കെ. ഗോകുല്‍ കൃഷ്ണന്‍, കെ. പ്രഭാകരന്‍, കെ.ടി സാജിത് സംസാരിച്ചു.