മുംബൈ: ഹാന്‍ഡ് ലഗേജുകള്‍ക്ക് സ്റ്റാമ്പിങ് നല്‍കുന്ന രീതി നാലു വിമാനത്താവളങ്ങളില്‍കൂടി അവസാനിപ്പിച്ചു. പൂനെ, നാഗ്പൂര്‍, ട്രിച്ചി, ഗോവ എന്നീ വിമാനത്താവളങ്ങളിലാണ് പുതുതായി ഇതു നിര്‍ത്തലാക്കിയതെന്നു സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്‌സ് അറിയിച്ചു.
ഇതോടെ രാജ്യത്ത് ഹാന്‍ഡ് ലഗേജിന് സ്റ്റാമ്പിങ് ഇല്ലാത്ത വിമാനത്താവളങ്ങളുടെ എണ്ണം 23 ആയി. സുരക്ഷാ പരിശോധന വേഗത്തിലാക്കാനും സംശയമുള്ള ലഗേജുകള്‍ വിശദമായി പരിശോധിക്കാനും ഇതോടെ കഴിയും. സുരക്ഷാ പരിശോധനയുടെ ഭാഗമായി 1970കളിലാണ് സ്റ്റാമ്പിങ് സംവിധാനം ഏര്‍പ്പെടുത്തിയത്.