കോഴിക്കോട്: ദഅ്‌വത്തിനൊരു കൈത്താങ്ങ് രണ്ടാം ഘട്ട പദ്ധതിയുടെ ഭാഗമായി മദ്‌റസകള്‍ കേന്ദ്രീകരിച്ചുള്ള ഫണ്ട് സമാഹരണം ഇന്ന് നടക്കും. നേരത്തെ റെയ്ഞ്ച് ജംഇയ്യത്തുല്‍ മുഅല്ലിമീന്‍ മുഖേന മഹല്ല്, മദ്‌റസകള്‍ കേന്ദ്രീകരിച്ച് പ്രവര്‍ത്തകര്‍ വീടുകളില്‍ എത്തിച്ച കവറുകള്‍ സംഭാവന തുക സഹിതം ഇന്ന് തിരിച്ചേല്‍പ്പിക്കും. പള്ളികള്‍ കേന്ദ്രീകരിച്ച് ഫണ്ട് സമാഹരണം നടക്കാത്ത സ്ഥലങ്ങളിലാണ് മദ്‌റസകളിലൂടെ ഫണ്ട് സമാഹരിക്കുക. ഓരോ മഹല്ലില്‍ നിന്നും സമാഹരിച്ച തുക 15ന് റെയ്ഞ്ച് കേന്ദ്രങ്ങളില്‍ നേതാക്കള്‍ ഏറ്റുവാങ്ങും. റെയ്ഞ്ച് കോ.ഓഡിനേറ്റര്‍മാര്‍ ഇതിന് നേതൃത്വം നല്‍കും. മഹല്ലുകള്‍ നല്‍കിയ തുകയ്ക്കുള്ള രസീതുകള്‍ റെയ്ഞ്ച് സെക്രട്ടറിമാരില്‍ നിന്ന് കൈപ്പറ്റണം. ഫണ്ട് സമാഹരണം വിജയിപ്പിക്കാന്‍ സമസ്ത കേരള ജംഇയ്യത്തുല്‍ ഉലമായുടെയും പോഷക സംഘടനകളുടെയും നേതാക്കള്‍ അഭ്യര്‍ഥിച്ചിട്ടുണ്ട്.