ജിദ്ദ: ഇന്തോനേഷ്യന്‍ ഉംറ തീര്‍ഥാടകര്‍ സഞ്ചരിച്ച ബസ്സും ടാങ്കര്‍ലോറിയും കൂട്ടിയിടിച്ച് 18 പേര്‍ക്ക് പരുക്കേറ്റു. മക്കയിലെ അറഫ റിങ് റോഡിലായിരിന്നു അപകടം. അപകടത്തില്‍ ഇരുവഹാനങ്ങളിലെയും ഡ്രൈവര്‍മാരടക്കം 18 പേര്‍ക്ക് പരുക്കേറ്റതായി മക്കയിലെ ട്രാഫിക് വക്താവ് കേണല്‍ ഫൗസി അല്‍അന്‍സാരി അറിയിച്ചു. ഇവരെ മക്കയിലെ ആശുപത്രിയില്‍ പ്രവേശിപ്പിച്ചതായും അദ്ദേഹം പറഞ്ഞു. ബസ് ശ്രദ്ധിക്കാതെ ജങ്ഷനിലൂടെ കയറി വന്നതാണ് അപകടത്തിന് കാരണം.