ചെന്നൈ: നീണ്ട 46 വര്‍ഷങ്ങള്‍ക്കു ശേഷം ഡി.എം.കെ നേതാവ് കലൈഞ്ജര്‍ മുത്തുവേല്‍ കരുണാനിധിയെന്ന എം. കരുണാനിധി തന്റെ കറുത്ത കണ്ണട മാറ്റി. തമിഴ്‌നാട് രാഷ്ട്രീയത്തില്‍ തലയെടുപ്പോടെ നിന്ന കരുണാനിധിയെക്കുറിച്ച് എല്ലാവരുടെയും മനസില്‍ വെളുത്ത വസ്ത്രങ്ങളും കഴുത്തില്‍ മഞ്ഞ ഷാളും കറുത്ത കണ്ണടയുമായുള്ള രൂപമാണ്. എന്നാല്‍ അദ്ദേഹത്തിന്റെ ഐഡന്റിറ്റി നിലനിര്‍ത്തിയിരുന്ന കറുത്ത കണ്ണട മാറ്റിയിരിക്കുകയാണ്. ഡോക്ടര്‍മാരുടെ നിര്‍ദേശപ്രകാരമാണ് ഈ രൂപമാറ്റം.
ജര്‍മന്‍ നിര്‍മിതമായ ഫ്രെയ്മാണ് കണ്ണടക്കായി തിരഞ്ഞെടുത്തിരിക്കുന്നത്. ഭാരം കുറവുള്ളതാണ് ഇത്. നേരത്തെ ഉപയോഗിച്ച കറുത്ത കണ്ണടയുടെ ഫ്രെയിം ഭാരമുള്ളതായിരുന്നു.