ന്യൂഡല്‍ഹി:  വിവാദ സിനിമ പത്മാവതിയിലെ നായിക ദീപിക പദുക്കോണിന്റെയും സംവിധായകന്‍ സഞ്ജയ് ലീലാ ബന്‍സാലിയുടേയും തല കൊയ്യുന്നവര്‍ക്ക് പത്തു കോടി ഇനാം പ്രഖ്യാപിച്ച ബി.ജെ.പി നേതാവിനെതിരേ കേസ്. ഗുജറാത്തിലെ മുഖ്യ ബിജെപി മാധ്യമ കോര്‍ഡിനേറ്ററായ സൂരജ് പാല്‍ അമുവിനെതിരെ എഫ്.ഐ.ആര്‍ രജിസ്റ്റര്‍ ചെയ്തതായി എ.എന്‍.ഐ റിപ്പോര്‍ട്ട് ചെയ്തു.

അമുവിന്റെ പ്രസ്താവന കടുത്ത പ്രതിഷേധത്തിനിടയാക്കിയിരുന്നു. ദീപികയുടെ തല സംരക്ഷിക്കണമെന്നാവശ്യപ്പെട്ട് കമല്‍ഹാനും രംഗത്തെത്തിയിരുന്നു. പരാമര്‍ശം  അംഗീകരിക്കാനാവില്ലെന്ന് ബി.ജെ.പി നേതൃത്വവും വ്യക്തമാക്കിയിരുന്നു.