കൊളംബോ: ശ്രീലങ്കയ്‌ക്കെതിരായ മൂന്നാം ക്രിക്കറ്റ് ടെസ്റ്റില്‍ ആസ്‌ത്രേലിയക്ക്  മികച്ച തുടക്കം. ശ്രീലങ്കയുടെ ഒന്നാമിന്നിങ്‌സ് സ്‌കോറായ 355 റണ്‍സിനെതിരേ രണ്ടാംദിനം കളിയവസാനിക്കുമ്പോള്‍ ഒരു വിക്കറ്റ് നഷ്ടത്തില്‍ 141 എന്ന നിലയിലാണ് ആസ്‌ത്രേലിയ. സ്റ്റീവന്‍ സ്മിത്ത്(61*) ഷോണ്‍ മാര്‍ഷ് (64*) എന്നിവരാണ് പുറത്താകാതെ ക്രീസില്‍.
നേരത്തെ രണ്ടാം ദിനം അഞ്ചിന് 214 എന്ന നിലയില്‍ ബാറ്റിങ് പുനഃരാരംഭിച്ച ശ്രീലങ്ക ദിനേഷ് ചാന്‍ഡിമല്‍ (132) ധനഞ്ജയ ഡി സില്‍വ (129) എന്നിവരുടെ സെഞ്ച്വറിയുടെ കരുത്തിലാണ് ഭേദപ്പെട്ട സ്‌കോര്‍ സ്വന്തമാക്കിയത്. ആസ്‌ത്രേലിയക്കായി മിച്ചല്‍ സ്റ്റാര്‍ക്ക് അഞ്ചു വിക്കറ്റെടുത്തു.