ഭുവനേശ്വര്‍: ഹോക്കി വേള്‍ഡ് ലീഗ് ഫൈനല്‍ പോരാട്ടത്തിന് ഇന്ന് തുടക്കം. അടുത്ത ഒളിംപിക്‌സ്, ലോകകപ്പ് പോരാട്ടങ്ങള്‍ക്കുള്ള യോഗ്യതാ മത്സരമായും ടൂര്‍ണമെന്റ് പരിഗണിക്കും. ഭുവനേശ്വറിലെ കലിംഗ സ്റ്റേഡിയത്തിലാണ് ഇന്ന് മുതല്‍ ഈ മാസം പത്ത് വരെ പോരാട്ടം അരങ്ങേറുന്നത്. എട്ട് ടീമുകളെ എ, ബി ഗ്രൂപ്പുകളാക്കി തിരിച്ചാണ് മത്സരം.
പൂള്‍ എയില്‍ അര്‍ജന്റീന, ബെല്‍ജിയം, ഹോളണ്ട്, സ്‌പെയിന്‍ ടീമുകളും പൂള്‍ ബിയില്‍ ഇന്ത്യ, ആസ്‌ത്രേലിയ, ജര്‍മനി, ഇംഗ്ലണ്ട് ടീമുകളുമാണ് മാറ്റുരയ്ക്കുന്നത്. ഇന്ന് ആദ്യ മത്സരത്തില്‍ ഇന്ത്യ ആസ്‌ത്രേലിയയുമായി ഏറ്റുമുട്ടും.