തിരുവനന്തപുരം: പ്രസവാവധി കഴിഞ്ഞെത്തിയ യുവതിയെ 15 കിലോമീറ്റര്‍ അകലെയുള്ള ഓഫിസിലേക്ക് സ്ഥലം മാറ്റിയ നടപടി വനിതാ കമ്മീഷന്‍ ഇടപെട്ടു തടഞ്ഞു.

കായംകുളം കെ.എസ്.ഇ.ബി ഓഫീസില്‍നിന്ന് പ്രസവാവധിക്കു പോയ സീനിയര്‍ അസിസ്റ്റന്റിനെയാണ് അവധി കഴിഞ്ഞ് തിരികെയെത്തിയപ്പോള്‍ ഹരിപ്പാട് ഓഫിസില്‍ നിയമിച്ചത്.

വനിതാ കമ്മീഷനു ലഭിച്ച പരാതിയുടെ അടിസ്ഥാനത്തില്‍ കമ്മീഷനംഗം ഷാഹിദാ കമാല്‍ ബന്ധപ്പെട്ട ഉദ്യോഗസ്ഥര്‍ക്ക് യുവതിക്ക് കായംകുളത്ത് തന്നെ നിയമനം നല്‍കാന്‍ നിര്‍ദേശം നല്‍കുകയായിരുന്നു.