കോട്ടയം: കേരള കോണ്‍ഗ്രസ് നേതൃനിരയില്‍ അഴിച്ചുപണി ആവശ്യമില്ലെന്ന് വൈസ് ചെയര്‍മാന്‍ ജോസ് .കെ മാണി എം.പി. ശക്തമായ നേതൃത്വ നിരയാണ് പാര്‍ട്ടിക്കുള്ളത്. അതുകൊണ്ട് ഇപ്പോള്‍ അഴിച്ചുപണിയുടെ ആവശ്യമില്ല. നേതൃമാറ്റം സംസ്ഥാന സമ്മേളനത്തിന്റെ അജണ്ടയല്ല. കേരളത്തില്‍ മുന്നണി രാഷ്ട്രിയത്തിനാണ് ഏറെ പ്രസക്തിയുള്ളത്. ഇതു സംബന്ധിച്ച് ഏകകണ്ഠമായ തീരുമാനമായിരിക്കും പാര്‍ട്ടി സ്വീകരിക്കുകയെന്ന് ജോസ് കെ മാണി പറഞ്ഞു.

കോട്ടയത്ത് നടക്കാന്‍ പോകുന്ന സംസ്ഥാന സമ്മേളനത്തില്‍ ജോസ് കെ മാണി പാര്‍ട്ടി ചെയര്‍മാന്‍ ആകുമെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. ഈ സാഹചര്യത്തിലാണ് വൈസ് ചെയര്‍മാന്‍ കൂടിയായ അദ്ദേഹം നിലപാട് വ്യക്തമാക്കിയത്.