മുംബൈ: ഇന്ത്യന്‍ സൂപ്പര്‍ ലീഗ് പോരാട്ടങ്ങളില്‍ എഫ്.സി പൂനെ സിറ്റിക്കും മുംബൈ സിറ്റി എഫ്.സിക്കും വിജയം. പൂനെ എവേ പോരാട്ടത്തില്‍ ജംഷഡ്പൂര്‍ എഫ്.സിയെ ഒറ്റ ഗോളിന് വീഴ്ത്തിയപ്പോള്‍ മുംബൈ സ്വന്തം തട്ടകത്തില്‍ ചെന്നൈയിന്‍ എഫ്.സിയെ 1-0ത്തിന് പരാജയപ്പെടുത്തുകയായിരുന്നു.
കളിയുടെ 30ാം മിനുട്ടില്‍ ആദില്‍ ഖാനാണ് പൂനെയുടെ വിജയ ഗോള്‍ നേടിയത്. 81ാം മിനുട്ടില്‍ ലാല്‍ചുന്‍മാവിയ ചുവപ്പ് കാര്‍ഡ് കണ്ട് പുറത്ത് പോയി പത്ത് പേരായി ചുരുങ്ങിയിട്ടും ജംഷഡ്പൂരിനെ ഗോളടിക്കാന്‍ പൂനെ അനുവദിച്ചില്ല.
ആദ്യ പകുതി ഗോള്‍രഹിതമായപ്പോള്‍ രണ്ടാം പകുതി തുടങ്ങി 60ാം മിനുട്ടില്‍ ലഭിച്ച പെനാല്‍റ്റി വലയിലാക്കിയാണ് മുംബൈ സ്വന്തം തട്ടകത്തില്‍ വിജയിച്ചത്.
അചില്ലെ എമാനയാണ് പെനാല്‍റ്റി വലയിലാക്കി ചെന്നൈയിനെതിരേ ടീമിനെ വിജയിപ്പിച്ചത്.