തിരുവനന്തപുരം: 59 തസ്തികകളില്‍ ഉടന്‍ വിജ്ഞാപനം പുറപ്പെടുവിക്കാന്‍ പി.എസ്.സി യോഗത്തില്‍ തീരുമാനം. സംസ്ഥാനതലത്തില്‍ ജനറല്‍ റിക്രൂട്ട്‌മെന്റായി 12 തസ്തികകളും ജില്ലാതലത്തില്‍ നാല് തസ്തികകളുമാണുള്ളത്. സംസ്ഥാനതല സ്‌പെഷല്‍ റിക്രൂട്ട്‌മെന്റില്‍ നാലു തസ്തികകളും ജില്ലാതല സ്‌പെഷല്‍ റിക്രൂട്ട്‌മെന്റില്‍ ഒരു തസ്തികയുമാണുള്ളത്. എന്‍.സി.എ നിയമനംവഴി സംസ്ഥാനതലത്തില്‍ 11 തസ്തികകളില്‍ നിയമനം നടത്തും.