പമ്പയില്‍ കെ.എസ്.ആര്‍.ടി.സി ബസിന് തീപിടിച്ചു; ആളപായമില്ല

പത്തനംതിട്ട: ശബരിമല തീര്‍ഥാടകര്‍ക്കായി പമ്പ-നിലയ്ക്കല്‍ റൂട്ടില്‍ സര്‍വീസ് നടത്തുന്ന കെ.എസ്.ആര്‍.ടി.സി ലോഫ്‌ളോര്‍ ബസിന് തീപിടിച്ചു. ഷോര്‍ട്ട് സര്‍ക്യൂട്ട് ആണ് തീപിടിത്തത്തിന് കാരണമെന്ന് അധികൃതര്‍ അറിയിച്ചു. അപകടത്തില്‍ ആളപായമില്ല.

പമ്പയില്‍ തീര്‍ഥാടകരെ ഇറക്കി തിരികെ വരുമ്പോഴായിരുന്നു സംഭവം. തൊട്ടടുത്തുതന്നെ ഫയര്‍ഫോഴ്‌സ് സ്റ്റേഷന്‍ പ്രവര്‍ത്തിക്കുന്നതിനാല്‍ തീ വേഗത്തില്‍ നിയന്ത്രണവിധേയമാക്കി. ബസില്‍ ഡ്രൈവറും കണ്ടക്ടറും മാത്രമേ ഉണ്ടായിരുന്നുള്ളൂ.